重建金陵台
来源:信息时报 日期:2014-7-31
广州著名嘅历史建筑金陵台,遭到强拆一年几之后迎来部分重建。不过,有街坊攞住旧照片去到现场比对,就发现前后面貌差别比较大,最有特色嘅15条罗马巨柱唔见咗,恢弘嘅气势亦不如往日,令人觉得有啲遗憾。
不过我觉得,其实重建呢件事嘅意义,唔在于建筑本身是否回复如初。因为真正嘅古董已经荡然无存,而家就算起座一模一样嘅,都不过系一件不折不扣嘅流嘢,以前嘅材料揾唔番,以前嘅气场一去不返。失去,就意味住永远丧失。但凡对历史建筑保护失败,我哋就必然要直面呢个残酷事实。大家都心知肚明—金陵台无论起成点,建筑价值已今非昔比了。
然而,重建依然好有必要,因为当中嘅警示意义,将会使更多历史建筑喺未来急促嘅开发脚步中逃过一劫。所以,我哋唔单止要重建金陵台,仲应该将呢座复制品嘅来龙去脉广为宣传,等大家都知道—
曾经,有一座价值非凡嘅历史建筑,喺商业开发嘅洪流中被粗暴拆平。
有一班热心街坊闻风而动,奔走相告,呼吁广州上下团结,齐齐为保护文物出力。
有一座城市,从此痛下决心,向破坏历史建筑嘅行为宣战,自此之后,一切野蛮强拆,都要付出代价……
金陵台嘅前世今生,系我哋应该铭记嘅教训。
编辑:樱花
|